影片
更多
2021-09-09
877 浏览
好味指数😋😋😋😋回头指数 ⭐️⭐️⭐️⭐️⭐️开心指数🤗🤗🤗🤗🤗朋友 gathering，本身想去九龙城食泰国菜，点知订位时有讲明90分钟限时，大家觉得唔够尽兴；跟住其中一个朋友话嚟过呢间居酒屋，食物质素唔错，有酒饮又冇限时（当然只系开到10点），我哋就决定转场嚟呢间！呢间小店唔系好大，装修好有日本居酒屋 feel！🍴丸石 - 魅惑之桃（$68/90ml）大家都叫酒饮，朋友拣咗啤酒或者黑啤，我对于啤酒就一般，拣咗一种果实酒嘅白桃味，因为我自己比较钟情桃味嘅嘢饮！呢种桃味果实酒系米酒类，有好浓郁桃味，用新鲜白桃肉制造，好香甜，冇咩酒味，劲易入口！真人测试应该酒精含量唔算好高，因为我本身都唔太饮得多酒嘅，饮完一杯都okay！不过大家要小心，易入口又香甜嘅酒，好易饮多咗都唔知！呢间居酒屋有好多种串烧同小食，饮下食下吹下水，不知不觉食咗好多款！🍴白粟米（$68/4件）呢个好特别，系生食嘅，超爽超甜！🍴烧白鳝（$68/串）每串有2件，基本上一件大D一件细D！白鳝好肥美，烧到外脆内软，鳝嘅油份好足！劲好味！我哋 encore 到叫咗6串！🍴免治鸡肉（$38）用免治鸡肉整成一串，配新鲜日本生鸡蛋加酱油汁，用鸡
回头指数 ⭐️⭐️⭐️⭐️⭐️
开心指数🤗🤗🤗🤗🤗
朋友 gathering，本身想去九龙城食泰国菜，点知订位时有讲明90分钟限时，大家觉得唔够尽兴；跟住其中一个朋友话嚟过呢间居酒屋，食物质素唔错，有酒饮又冇限时（当然只系开到10点），我哋就决定转场嚟呢间！
呢间小店唔系好大，装修好有日本居酒屋 feel！
🍴丸石 - 魅惑之桃（$68/90ml）
大家都叫酒饮，朋友拣咗啤酒或者黑啤，我对于啤酒就一般，拣咗一种果实酒嘅白桃味，因为我自己比较钟情桃味嘅嘢饮！呢种桃味果实酒系米酒类，有好浓郁桃味，用新鲜白桃肉制造，好香甜，冇咩酒味，劲易入口！真人测试应该酒精含量唔算好高，因为我本身都唔太饮得多酒嘅，饮完一杯都okay！不过大家要小心，易入口又香甜嘅酒，好易饮多咗都唔知！
呢间居酒屋有好多种串烧同小食，饮下食下吹下水，不知不觉食咗好多款！
🍴白粟米（$68/4件）
呢个好特别，系生食嘅，超爽超甜！
🍴烧白鳝（$68/串）
每串有2件，基本上一件大D一件细D！白鳝好肥美，烧到外脆内软，鳝嘅油份好足！劲好味！我哋 encore 到叫咗6串！
🍴免治鸡肉（$38）
用免治鸡肉整成一串，配新鲜日本生鸡蛋加酱油汁，用鸡肉捧轻轻搅拌，外皮少少焦香，入面好松软，酱汁咸得嚟带少少甜味，生鸡蛋黄有香浓蛋味！好正！我同朋友都留返个酱汁用嚟点其他嘢食！
🍴烧饭团串（$34/串）
一串有两件，将饭整成圆饼咁，用紫菜包住，两边都有饭素，饭素被烧到焦香，饭团有少少烟韧，唔会一咬散晒，好味！
🍴一夜干马友（$168/条）
呢个未食过，朋友解释原来系用一晚时间风干条鱼再烧，所以叫「一夜干」！好香脆，连骨都鱼鳍都脆到食埋！
🍴芝士年糕（$48/2粒）
呢个我哋又系不停 encore 叫咗5份，外面香脆，年糕又软糯糯，仲有芝士响中间，带少少咸香味！
🍴牛脷芯（$88）
呢个比较特别，平时牛脷就食得多，通常厚切牛脷会好爽口，呢个牛脷芯系好厚肉，一层烧到焦香嘅皮，中间好似有少少肥肉feel 再下一层系肉， 肉味浓又软身，肉质少少弹牙！同普通牛脷口感完全唔一样！
🍴汤稻庭乌冬（$44）
呢个比较清淡简单，上面有海带同葱花，汤底用咗雕鱼汤，唔太浓郁，清淡中带少少鱼味，乌冬够弹牙！
另外我哋都仲叫咗 🍴鸡泡鱼干（$78）🍴牛肋骨肉（$36）🍴鸡翼（$32）🍴鸡胸软骨（$30）🍴枝豆（$30）🍴鸡软骨（$26）🍴粟米（$28/4件）🍴菠萝（$42）
所有都正常发挥，粟米个酱汁好惹味！
最后都要讲下两款我觉得一般嘅…
🍴甘薯（$26/串）
一串两件，其实系烧得唔错，其中一面我估系放咗糖响面烧成焦糖面，咬落系脆嘅！不过我自己觉得甘薯本身唔够甜，所以食完焦糖面嘅部分就觉得唔够好食，有D唔够味同干身！
🙅🏼♀️🍴亲子丼（$48）
上面有鸡肉、洋葱、紫菜、鸡蛋，唔知系味其他嘢太浓味，呢个显得太淡，成碗系冇咩味，亦都冇酱汁，蛋汁又唔够多，呢个就真系麻麻啦！
基本上呢间小店嘅嘢食绝大部份都好好味，好有去咗日本居酒屋感觉！成班朋友饮饱食醉，当走咗转日本旅行啦！
张贴
