芝脆雞 (已結業)

之前一路都听人讲CHEESEPIZZA好扺食好好食，今次难得公司放假，同几个同事去食,,原来真系好食过PIZZA黑，4-5人餐，$185-加左个汽水同2件鸡都系206蚊！扺！！食到好饱！大pizza,千岛热情，好多芝士，好正！个猪仔骨要等好内，不过都值，因为真系好正，但系就辣左D,,可能自已本身唔系好得辣啦！焗海鲜饭好多料又好多汁！好食！炸鸡,棒啊！不过得5件我地唔够，$8蚊件另外叫左3件，扺食！好味！即叫即整，唔会冻晒！ 服务都唔错，虽然系自助形式，不过食完问d妹妹拎几杯水，可能得2个人唔够人手喇！有个著便服既妹妹唔想我等太耐所以拎左比我先，唔知佢系咪个2个妹妹既朋友黎呢！都OK有礼貌！可能之前试过去其他餐厅问佢拎水时次次都话等等，但系最后都系无左件事，所以觉得喱间餐厅班妹妹D服务态度都几好！起码你问佢拎时佢会即刻比你唔会话转头先点知又无左件事！我觉得就算店员有觉得只系好湿碎完全唔起眼既事但系对客人黎讲都会有深刻既印象！佢地播歌好细声,,环境都唔错，可能个晚静啦！整体黎讲....Good啊！！新年屋企人黎拜年一定会再去食啊！不过到时唔知会唔会好多人呢？！