Terrace in seaside (海運大廈)

营业中

休息中

圣诞睇商场布置再加发哥影展，顺手黎左食韩国过江龙，主打韩式洋轻食，岩哂我老婆嘅。撞正12月有Promotion，「落雪了！刨芝士系列」，加$35任刨芝士。最抵系「少少芝士黑松露油薯条」+Follow 社交平台，15秒刨芝士铺满成碟薯条，免费有一杯外表有浓厚绿色奶泡嘅西柚绿茶，有半个柚子喺杯底，清新中带酸甜，悭返$58！个薯条芝士味超浓配即炸薯条超正。韩式奶油排骨锅，我地拣咗辣味，排骨入味少少香辣带甜，红白萝卜都好甜，仲有沾满酱汁嘅年糕同韩国粉丝做配料。呢度嘅Risotto 一d都唔腻，粒粒八爪鱼意大利炖饭酱汁香浓之余，八爪鱼粒软软又入味。应节食品仲有Waffle，除咗个名好长，仲相当好味。「不会爬烟囱的圣诞老人朱古力窝夫」好香烤朱古力味，少甜，外脆内软。留意返，每个窝夫都插左圣诞叶，仲有个好可爱嘅圣诞老人，好有心机整。Service唔错，唔算贵，会encore。