山田海韓國料理

营业中

休息中

观塘韩国菜唔多，所以好多时食韩菜都嚟呢间，味道偏向较正宗。地方都算够大台都算多，唔使点等就可以入座。食韩国菜最喜爱嘅就系八小碟，最好味当然系泡菜啦！但今晚其他泡菜以外嘅就比较一般嘞。首先叫咗烤鳗鱼，气炉上加块铁板。味道同一般出面食嘅酱油差不多，但肉厚弹牙骨唔多，算唔错。泡菜炒饭，可随个人喜好走肉都得，因为佢哋泡菜唔错，所以个炒饭都唔错。烤猪面青，味道都OK，肉质爽口但无猪颈肉咁肥腻，都几值得一食。海鲜炒炒丝，好明显佢哋唔系用雪藏细细粒海鲜，材料尚算可以，味道就比较一般，无乜特色。总括嚟讲都可以值得一试嘅。