Goobne Chicken (瓊華中心)

营业中

休息中

近年好多以鸡为主菜嘅餐厅出现，除左鸡煲之外就一定要提及炸鸡同烤鸡。今日又系旺角揾食，知道Goobne开左一排而且成日都好爆等好耐，所以我又揾左啲early dinner嘅时段去朝下圣啦。打开个menu，第一个反应就系鸡全部都系鸡。嚟之前无睇过介绍，所以唔知原来佢有咁多款食法。今日就叫左只辣味烤鸡。鸡系即叫即烤，好热，鸡皮烤得啱啱好，未点酱前都有微辣，肉唔会干身。而且我欣赏佢系鸡嘅每一个部分都有，真系成只烤而唔系斩件求其执几件落嚟做鸡篮。另外佢仲有两只酱跟，喜欢点酱嘅朋友可以试下左手 边呢个辣酱，几夹。当然唔少得韩式前菜。另外我仲叫左芝士炒年糕，铁板上，好热，呢个要快食，如果唔系冻左啲芝士就jam住。仲有公仔面底跟。我反而想推荐下个花瓶鲜果沙律。我本身就唔太喜好沙律，不过呢个沙律食落好清新，同平时食嘅一般沙律有啲唔同。另外加左啲类似米通嘅脆口野，唔错。我地走个阵已经超多人，所以提提大家要早啲嚟。