炑八韓烤 (已結業)

夜晚同老公两个去揾食，行完尖沙咀，经过金马伦道，见到有间木八韩烧，谂谂吓两个都好耐冇食过韩国烧烤，就想去试吓。坐低一阵，侍应介绍我哋食二人餐，二人餐个Menu有厚切猪五花、香川辣鸡肉、霜降牛小排、厚切牛舌、大虾通宵红鱼扒。煮食仲有干冰八爪鱼冷面。首先我哋烧牛小排，牛小排肉汁鲜嫩，而且好淋好好食。香川辣鸡肉亦都非常惹味，牛舌劲大块又够厚。大虾亦非常新鲜又够大只。红鱼扒大大块又新鲜，仲帮你起晒骨，啖啖肉好好食！最后，个超有份量嘅五花腩，分量十足，一路烧一路闻到香喷喷，烧到咁上下，剪细再用山菜包住食，一啲都唔觉得太肥或太油，生菜中和返，恰到好处！干冰八爪鱼冷面亦非常特别，八爪鱼新鲜，冷面又弹牙。食到好饱，仲黎多个西瓜冰沬，西瓜清甜配入牛奶雪糕同椰子沙冰系底，真系好消暑。总括今次冇拣错呢间韩国烧烤，抵食又好味，下次会再光顾！