鼎王麻辣鍋 (金巴利道) (已結業)

晚市订位好full，Happylands同友人add-hoc咁中午打边炉😆系～午市边炉，好疯狂😂其实系旨在有个地方舒服坐低倾下计。环境好好，格局好似台湾咁一坐底。侍应问选咩汤底就落单先。Happylands同朋友都系嗜辣人士，但新地方都系叫个小辣先😆餐厅卫生做得好好，空闲感大，板隔都做得好好👍比个iPad你落单都用消毒水抹完先递比客，亦有信封俾客收藏口罩。先上来一壶蜜桃茶，有水果香兼消滞☺️好快就主角登场⋯⋯鼎王！没有一般麻辣火锅舖果牛油朕膻味，汤底入面已有齐鸭血同豆腐。Happylands唔系咁好鸡红、猪红果啲，但鼎王嘅鸭血真系几好食，咬口+味道都好好。豆腐唔驶讲，吸晒啲汤汁好正。同友人叫咗个海鲜拼盘、鸡肉拼猪肉、新竹米粉、猪肉丸、豆皮。两个人食都够晒数，饮品没有额外叫，因为觉得个蜜桃茶都已经够消滞☺️饮食其间，侍应都好主动加汤同收碟。可能小辣真系唔系咁够，中段都有叫侍应帮手加辣，level up咗真系唔同啲。