RUE DU LIBAN

上星期去咗食黎巴嫩菜！浓味嘢一直系大部份肥人至爱，我当然唔会例外😆最重要系连我唔肥嘅偏食老公都赞好味，尤其是个羊肉串，有羊味但唔会太膻，加埋垫喺底𠮶块饼皮同配料一齐食，真系好令人回味！我一定会返去encore🤤另外仲点咗地中海慢炖牛肋骨+乳酪鸡饭。睇相以为份量好少，点知食完呢三样嘢，已经叫唔到甜品😅因为实在太饱，连啲饭都食唔晒！人老咗，即使再肥，食量都冇以前咁大🥲牛肋骨好林好入味，个饭就唔系人人啱口味，我觉得几好几特别，我老公就唔钟意有乳酪，见佢平日都有食乳酪，点知原来加落啲饭度，佢唔钟意食嘅，总之叫第二款鸡饭啦🥹呢间舖头唔单止嘢好食，装修亦好啱打卡，成个天花板都系花花装饰，灯、杯碟连座位都好有地中海特色！餐厅职员亦都有礼貌，服务唔错！下次要同多啲朋友再返去试多啲唔同嘅菜式🤭好味指数 😋😋😋😋回头指数 🤩🤩🤩🤩