金滿海鮮坊 (已結業)

有日睇雜誌見到介紹啲得意嘅點心,於是襯星期日約埋啲靚媽咪,一行5人去到黃大仙金滿海鮮坊飲茶,去到覺得間酒家環境裝修都係好一般,不過人山人海.可能係星期日啦,坐低叫咗點心,大約15分鐘就有點心到,菊花春卷個樣好靚,咬落去熱辣辣脆卜卜,裏面大大只虾,好驚喜！跟住甘笋鹹水角,靚到唔捨得咬,外脆裏面多餡,跟住京式义燒包,相都費事影,點知咬落去啲皮甜甜地,好軟熟,裏面多汁多义燒,好開心,先明白點解呢度咁多人,飲完茶3點、我哋決定血戰荷里活廣塲,再番嚟呢間金滿食晚飯