皇點 (已結業)

细细间舖，有点心有蒸饭，有圆枱几个位可以堂食。点心新鲜好味，食过烧卖、叉烧包、糯米卷、咸肉粽，叉烧包同糯米卷都皮厚馅薄，反映出小本经营困难 XD，不过真系好味，如果你食过唔新鲜既点心，你就会明白我点解赞呢间啲嘢好食，而且食完唔会有味精反应，唔使狂灌水。个人最钟意烧卖，咸肉稯$22唔大只，足料好食，软硬适中，绿豆够软但又唔散，不过我食得好狼，留意唔到系咪冇咸旦黄。食材好、用心做、新鲜热辣，块被厚啲我都满意收货。