皇點 (已結業)

細細間舖，有點心有蒸飯，有圓枱幾個位可以堂食。點心新鮮好味，食過燒賣、叉燒包、糯米卷、咸肉糉，叉燒包同糯米卷都皮厚餡薄，反映出小本經營困難 XD，不過真係好味，如果你食過唔新鮮既點心，你就會明白我點解讚呢間啲嘢好食，而且食完唔會有味精反應，唔使狂灌水。個人最鍾意燒賣，咸肉稯$22唔大隻，足料好食，軟硬適中，綠豆夠軟但又唔散，不過我食得好狼，留意唔到係咪冇咸旦黃。食材好、用心做、新鮮熱辣，塊被厚啲我都滿意收貨。