The Tomato Story (已結業)

打工仔又到放lunch嘅时间! 疫情关系日日都要买外卖, 今日想对自己好啲, 锁定一间一直都好想帮衬嘅小店! 位于湾仔同金钟中间, 太古广场三期附近嘅一间小店, 出晒名专做蕃茄菜式, 价钱都唔算平嘅, 果然成个餐牌都系蕃茄~~~ 选择左餐牌上面排第一嘅经典蕃茄牛肋肉汤通粉! 一打开分量咁少, 有啲吓人 蕃茄汁用好多蕃茄蓉去做, 食得出好入味, 原汁原味嘅蕃茄~~~ 用心度抵讃!! 牛肋肉亦都几入味, 可惜份量真系太少, 两啖已经食完... 抵食度要扣分... 另外我加咗钱要咗杯热奶茶, 一打开个杯盖, 饮品个颜色深到好似鸳鸯咁, 当堂惊一惊, 饮咗一啖, 涩到我无办法再饮落去, 极度怀疑佢落得好少奶.... 严重扣分...