好好上海小館 (已結業)

忽然想食上海菜，带埋阿爸阿妈黎试下。阿姐态度超级殷勤，唔知系咪睇得出我地系生客？我地点左$278既餐，有酸辣汤、醉鸡、炒鳝糊、咕噜肉，另外点左上海汤面。酸辣汤落得太多醋了，除此之外都ok既。醉鸡唔系新鲜鸡，但系鸡肶肉都系嫰滑好味，啖啖都有花雕味。韮菜炒鳝糊好啱𩠌饭，口味比较清淡又口感丰富，好味。咕鲁肉居然旧旧都狮子头咁大粒，有啲吓亲。咕噜汁唔系好突出，肉丸味道就好浓，肉质有咬口，不过份量太大食唔晒。上海汤面个汤好浓好香，我饮左一半。d椰菜都入味，个面居然系枧水面，点菜时阿姐话粗面系同乌冬，估唔到幼面都唔系上海面，阿妈其实想食中面既（粗同幼都唔啱）。个茶唔系特别香，但非常解渴。呢一餐我同阿爸都觉得ok，阿妈点唔到云丝卷、锅贴、小笼包同（真正既）上海面，好唔满意，话呢间唔系正宗上海野㖞，睇黎第日都系要自已黎食了。