泰地道 (文苑樓) (已結業)

好耐无去渡船角呢头揾食，本来揾Pizza食，但最后去左呢度食泰菜，系估唔到咁好味同估唔到咁虾碌。食泰菜其实都无乜期望，可能就系因为咁，所以系有啲惊喜架。叫左三个菜，虾酱通菜，炒金边粉，同泰式烧桂花鱼。先上嘅当然系最易煮嘅通菜啦，第一碟头唔细，第二，虾酱好浓味又唔会过咸，比起食开嘅多左啲层次，好味，做呢个菜都几用心㖞。再上嘅系金边粉，粉好烟韧，好弹牙，仲有三只有虾味嘅虾，难得，落单时仲特别话个粉啲橙色系咩咩做出来，即刻好似高左啲层次咁。不过最奇怪系条烧鱼，我地食到中途先同我地讲落错单，烧左条乌头，本来想食滑身鱼，唔想再等，乌头都要。但由落单到上菜等左超过半个钟头，好彩嘅系，好香，都叫做滑。奇怪嘅系唔止我𠮶枱落错单，隔离枱都落错。有兴趣嚟食嘅要再三小心落单。