勝記海鮮酒家

营业中

休息中

平时大时大节，屋企人就钟意黎胜记食海鲜，今次都唔例外，过左黎食团年饭。我地一早book左位，因为节日假期都会有好多人黎帮衬。我地今冷三个人食，叫左个海鲜二人餐，两只份量加钱加多一只，另外再叫左个'企鹅烧春鸡' (因为侍应姐姐介绍话好好味)同一个海鲜菜汤 (本身我地想叫鱼汤，不过卖晒)。二人餐食物水准keep到，好味道。今次第一次试烧春鸡，侍应姐姐果然无介绍错，啲鸡肉好嫩好滑，唔会觉得好咸。个汤见到啲渣都系落足料，都唔错，但始终觉得饮开果个鱼汤系好味啲。食完之后，有甜品食，糕点系桂花杞子味，柠檬柑桔味同益力多味。每款都唔会太甜，味道都好清新。