日暮家 麵匠 (已結業)

今日试咗葡式柠檬蚬贝拉面。佢个汤底好清爽，就算饮哂啲汤都唔会觉得腻。柠檬嘅清新香味同酸味，令到你就算系热到溶嘅天气，都会忍唔住饮哂啲热辣辣嘅汤。啲蚬好嫩，柠檬嘅微酸能够提起蚬肉嘅鲜甜。加埋洋葱，味道同口感都更有层次更丰富。面底我拣咗硬身，因为本身就钟意食啲爽身有咬口嘅面。下次再去，软硬度试下普通，睇下会有啲咩唔同。如果本身唔爱柠檬入馔，又或者本身唔爱有啲酸嘅菜式，我都建议叫嚟试一次，或者呢个拉面会令你改观。服务方面，店员非常有礼友善，安排入座、落单亦见效率。环境方面，全店虽然只有24个位，但坐落绝对唔会觉得好压迫，食嘢食得都几舒服。