木船泰國粉麵專門店 (已結業)

今日朋友话想食泰国野，就同佢入左呢间餐厅。一入到坐低个环境唔错望落干净企理，座位都够宽坐得舒服，装修都好有特色，好似系船舱入面咁都几得意。同朋友一齐3个叫左地道酸辣凤爪，睇个名以为得凤爪，原来系一大盘凤爪沙律，凤爪青瓜同萝卜丝配埋个酸辣汁，酸酸甜甜惹味又开胃。我地再叫多个炸鱼饼，鱼饼够弹牙。主食方面就叫左烧豚肉饭套餐，一上黎就闻到好香炭烧味，豚肉烧得好嫩同埋多汁配饭一流。另外，仲叫左个香叶肉碎配脆脆鸡翼套餐，肉碎调味够浓好惹味，鸡翼炸得好好一啲都唔油腻，食落够香脆肉又够juicy，两个套餐都会有三款小食，泰式春卷、朱古力蛋糕、沙律仲有鲜鸡汤或者冬阴公汤，唔过百又有汤主食同小食性价比超高。饮品就加钱叫咗个椰青同埋青柠梳打。椰青新鲜同埋清甜，青柠梳打够酸够爽。总括黎讲呢间餐厅野食好食，份量同价钱成正比，推荐推荐!!!