4號烤吧 (已結業)

4号烤吧坚尼地城卑路乍街116-122号联康新楼1楼A室今日同朋友过呢边做gym，四围行下饮下食下，hea下又到食晚餐时间，之前听过朋友介绍过呢间食店，就一于试下，果然系唔错，烤鱼、鸡煲、火锅、串烧，乜都有得食，夜晚九点后仲要系酒吧模式，灯光调暗啲又有音乐同店员同你玩，气氛唁错肥肠麻辣鸡煲 $168超抵食鸡煲，呢个仲要有肥肠，鸡件大大旧，又滑又嫩，肠同鸡份量超多，食极都有。唔可以睇小个辣，我拣咗中辣，又麻又香，好多汁添。越食越辣，好过瘾避风塘脆骨腩 $78避风塘口味一向都好惹味，呢度整个小食都完全有呢个水准，骨腩唔会炸到干身，咬落又脆又有鱼汁，送酒一流皮蛋豆腐肉松 $42超大份量，豆腐滑到sir入喉咙，有少量芥辣，又几夹㖞。皮蛋系溏心，个pat嘢好浓好正。洒上面嘅肉松有种脆嘅感觉，一口有齐三样嘢，系多重口感，唔错胡麻冰镇秋葵 $38呢个啱哂钟意食秋葵嘅爱好人士，因为呢度嘅秋葵够哂多汁，每咬一口都好爽脆，咇哂啲滑潺潺出嚟，够哂juice，配埋小小麻酱就更加好味烧韭菜 $20串烧中必吃菜式，味粉够哂惹味，韭菜又唔会烧到干哂。唯一唔好系食完摄牙罅，要准备好牙线烧菠萝 $18钟意食生果嘅我，菠