金翠餐廳 (福華街)

营业中

休息中

老友成日推介呢间抵食夹大件，卒之呢日出开鸭记就揾佢带我去食。食晏时都几多人，我地去咗两次都冇位（我两个人咋㖞！）要去黄金行咗两转，第三次至有位，证明都几受欢迎。叫咗一个义烧饭，一个烧鹅饭。好快到！饭同𩠌分开上，份𩠌几大份吓，有菜有肉，菜仲唔系得两条装饰𠮶只，唔错！食物味道唔错，烧鹅系皮焾咗，但有肉，够香又唔太干。义烧半肥瘦，蜜汁又香甜，肉质够焾又唔干，系好味嘅！系弊在有两嚿食到松肉粉味，啲饭又有部份太软（有啲烂），呢两样扣咗分！环境嚟讲，烧腊饭店，人又多，咁枱面摸落油油地就走唔甩啦！都无谓苛求啰！不过如果再午饭时间嚟呢头，应该会再试！