金翠餐廳 (福華街)

营业中

休息中

當日揀咗買半隻燒鵝嚟自己帶返屋企一齊搞飯，真係覺得自己係頂級大廚啦。朋友一直都話呢間叉燒好正，我仲以為佢係過譽，點知食落去真係啱晒我個心頭好！叉燒既口感同味道都好好，啲肉夠嫩，啲叉燒嘅醬汁又啱啱好，我家人1都唔停咁讚賞。嗰隻燒鵝亦都唔遑多讓，外皮香脆，肉質滑嫩多汁，啲香味一下子就填滿整個廚房。配上啲辣椒醬，真係回味無窮。

疫情後回港特別去食番呢一間以前學生時期成日食嘅燒味飯，以前佢出名嘅叉燒飯真係十分之好食。但係今次真係垃圾中嘅垃圾，你哋自己睇圖，啲叉燒睡濕邊頭邊尾爭埋一碟，乾爭爭特別多燒燶咗嘅，啲飯直情係暖都唔暖下。見到都反胃，完全食唔落口，究竟係畀人食定係畀狗食。環境衛生十分之差，以為自己去咗迪士尼樂園或者小強冒險天地。總之整體體驗非常之差，基本上唔使之然我會再光顧，美好嘅回憶就留返起以前學生時代，這一間餐廳永遠BLACKLIST!!!

🤢店員服務態度非常差，同佢講要肥义燒，結果送左呢件野嚟，碗瀨粉同义燒又凍冰冰，食到一半去廁所（個袋仲喺度），兩分鐘都無就收走你個餐，堂食環境又污糟邋遢，不過佢真係無講大話，😂真係一即難忘，🤣仲夠膽話比人聽係獲獎菜式，唔好搞衰廣東燒味同深水埗喇，以後都唔會幫襯呢d舖頭，小嚟深水埗食野都比佢搞到有陰影…..

男朋友好耐以前食過，一直都讚呢間嘅叉燒讚到唔停口，我哋專登過去深水埗呢度食。門面雖然有歲月嘅痕跡，但都好友地道風味，店內既姐姐都好welcome，雖然招待後都有繼續傾偈，不過請佢幫手抹枱嘅時候抹得好仔細。晚餐都好抵食~姐姐介紹得好好，見我哋單點同套餐都係爭幾蚊，介紹我哋食個套餐，好多款式，每個套餐都係60幾蚊，但已經有菜有肉，有飲品或者湯，最後揀咗椒鹽豬扒，同佢哋嘅王牌叉燒，好彩買得快，之後買多一兩套就賣晒叉燒了，幾乎個個入嚟都係點魚同點叉燒。叉燒好好食，唔會燒太乾身，仲有肉汁，仲可以揀想要瘦啲肥啲半肥瘦。正

野食質素十分麻麻 仲要有好大隻小強跌落黎 差d小強送飯 得人驚 其實幾年前金翠都唔錯 之後越黎越差 今次去都冇抱好大希望 但係真係估唔到連曱甴都送埋 阿姐仲要話說前兩日落左藥 所以d小強先暈暈地有昆蟲飛落黎餐廳都應該唔想 但係環境有幾乾淨各位真係自行判斷啦

今日喺金翠買半隻燒鵝做餸，畀完錢見到掛住嘅喺兩隻燒鴨（原隻有頭但無髻）同半邊無頭「燒鴨」（因為大家一樣大細，顏色係棕啡色，我認為應該都喺鴨。）我哋問佢喺咪無鵝，個姐耍手擰頭話唔知，然後佢斬咗嗰半邊無頭「燒鴨」畀我，我反問佢你哋呢隻唔喺鵝喎，個阿姐死話喺。我話鵝邊有咁細隻，佢話鵝都有大有細㗎。我話你斬咗個頭，又同隔離一樣大細，有乜理由喺鵝？跟住喺度爭拗咗兩句！喺鵝定鴨，真喺天知地知佢哋知！返到屋企打開睇，半隻「燒鵝」斬出嚟件數唔多，就一個普通發泡膠盒大細裝住，肉好瘦好鞋口，皮腍啤啤，「鵝」髀短。我見街坊街理經常幫襯買叉燒，估唔到會咁！！！以後不了！！

用$90去買一盒燒肉燒鵝飯，燒鵝淨係俾啲骨，四舊都係骨呀有冇搞錯，一舊肉都冇，燒肉全部都係肥，係全部都係肥膏啊，就算幾鍾意食都唔係全部斬晒啲肥肉俾你掛，如果係堂食一早俾人退返轉頭，就係因為叫外賣平台睇唔到到咗步先見到，做生意做到佢咁衰格，以後都唔會再幫襯！一定要反映番比佢哋知，叉燒就由佢啦乾啲都冇所謂，送個菜乾湯都係啲味精湯啦冇乜特別，真係從來都未試過叫燒味外賣可以差到咁嘅地步，而家喺香港唔可以咁樣做生意囉！

今日來了叉燒王金翠食份簡單早餐首先，沙爹牛面其賽一般正常。但作價只係30蚊，無要求]。最正竟然係叉燒奄列加牛油多士，多士即焗又脆又香又多牛油，正正正。叉燒奄列入面有好多粒半肥瘦又淋的叉燒，旦又煎得香口，叉燒又香又淋，一流。埋尾奶茶也可口

深水埗嘅美食真係多不勝數，其中一間就係呢間金翠嘅叉燒，今日忽然想食個叉燒飯，於是就走到金翠。其實以深水埗燒臘店來講，呢度真係算好貴下，因為出面真係可以$20就買到一盒叉燒飯，而呢一間金翠嘅叉燒飯就大嗱嗱收你$46 ，不過佢又真係好好食，所以貴得有道理嘅！每次嚟到我都一定係叫叉燒飯，仲講明要又瘦又淋，出面嘅燒臘檔真係睬你都傻，不過金翠就真係會應我嘅要求，揀舊又瘦又淋嘅叉燒俾我喇！我仲每次都會問佢攞多啲汁，店員就會用個碗仔裝俾我，等我自己鍾意落幾多都得，所以每次都食到一粒飯都無剩㗎 ！

我都喜好食燒味，今日午餐黎個貴貴燒味飯先😎呢度出名食叉燒，但我每次黎呢度，我都係食油雞鴨飯，當然有我的原因喇。雙併油雞鴨飯，正，我唔客氣喇😋油雞同鴨每樣至少都有五件大大件，鋪滿成碟飯，油雞俾左多肉的胸位，但食落唔鞋已經好滿意。至於鴨就俾左dd骨位我，鴨皮連住少少脂肪同肉，呢三層食落去好甘香，係好好食。呢個就係我揀油雞鴨的原因。加埋d汁，我成碟飯都食哂😅雖然唔係咩貴價燒味，但對於「慳儉」嘅我黎講，都係難得一次嫁炸🤭

今天天氣不錯，住在南昌站的我，想說可以慢慢步行到附近的餐廳吃飯，問了一下當地香港的朋友有沒有推薦好吃的燒臘店，朋友果斷地推薦了我這家餐廳，於是我就跟著地圖緩緩地晃了過去。店不是很好找要稍微的找一下才能找到，進去之後安排了一個收銀台後面的位子，店員親切的推薦了我照片的這個套餐，我就想說來試試，上菜之後因為餓了馬上開動，肉質跟台灣比較起來真的是不一樣，不一樣之處在於相當的扎實，然後燒肉皮的香味讓我現在每一週都想再去光臨一次，而且份量跟一般來說有名的茶餐廳比較起來真的是差很多，我現在只要吃完一餐基本上可能就可以抵兩餐了哈哈，所以可以說是物超所值

老友成日推介呢間抵食夾大件，卒之呢日出開鴨記就揾佢帶我去食。食晏時都幾多人，我地去咗兩次都冇位（我兩個人咋喎！）要去黃金行咗兩轉，第三次至有位，證明都幾受歡迎。叫咗一個义燒飯，一個燒鵝飯。好快到！飯同餸分開上，份餸幾大份吓，有菜有肉，菜仲唔係得兩條裝飾嗰隻，唔錯！食物味道唔錯，燒鵝係皮焾咗，但有肉，夠香又唔太乾。义燒半肥瘦，蜜汁又香甜，肉質夠焾又唔乾，係好味嘅！係弊在有兩嚿食到鬆肉粉味，啲飯又有部份太軟（有啲爛），呢兩樣扣咗分！環境嚟講，燒臘飯店，人又多，咁枱面摸落油油地就走唔甩啦！都無謂苛求囉！不過如果再午飯時間嚟呢頭，應該會再試！

去深水埗買嘢,搞掂時正好係下午茶時間.咁啱經過呢間餐廳,被門口下午茶燒鴨瀨粉既招牌吸引咗入去.入到去跟住塊餐牌叫,問伙記紅豆冰係咪都係加三蚊,侍應答係到出單嘅時候原來係加六蚊,其實差三蚊冇乜所謂嘅,而且都好合理,都冇諗住同佢拗,只係問咗佢一句"唔係加三蚊咩".伙記既反應係"係呀?",真係幾唔掂.睇動作外貌,似係初出嚟做野既靚仔,算了吧.紅豆冰到嘅時候有少許滾動,近期去咗好多間餐廳叫紅豆冰,終於有一間肯提供粗飲管喇.紅豆終於夠冧,終於唔過甜或者淡,搵咗好多間都做唔到呢兩點,雖然都仲係唔夠香濃.但可能因為受啱啱嘅三蚊雞事件影響,我已經自發性地降低咗自己嘅要求,所以覺得紅豆冰出乎意料咁好.燒鴨瀨粉終於到啦.一眼望落去已經知道果層皮唔係唔脆果種,而係完完全全既冧,唔使咬都睇得出.好在肉質尚可,不過就無乜味架喇,不算太鞋.燒鴨係涼既,皮軟淋淋,而且過咸,要點好多甜酸醬嚟遮蓋過量嘅鹹味.瀨粉一般啦,不過都係冧咗少少.不過總有一點做得好嘅,白菜煮得爽爽甜甜,唔錯.

今日請左半日假出左深水埗去睇下電腦野咁啦，咁要搵好野之前，梗係首先要食餐好先啦。一出地鐵站就諗起個間寫住叉燒皇既燒臘舖，之前試過佢既叉燒，都算係名不虛傳，咁既然唔想煩，咁就要再試下啦。雖然午市時間，但係入到場未算坐滿，好快就搵個卡位坐，見上次食左個叉燒飯，今次就諗下食咩好?? 見到前面個位後生仔食緊碗叉燒油雞瀨好似幾靚咁，我就跟佢一樣啦，我就叫左個叉燒油雞飯，另外再加多杯凍檸水。等左約五分鐘，上枱啦~ 上枱啦~ 見到我呢碟既賣相都好靚，仲有一碗絲苗白飯都好夠大，我都急不及待要試下先~ 食落口油雞冇想像之中咁好食，肉質有啲"鞋"，雖然佢都好入味，但係始終係雞胸位，而且有的仲係骨多過肉，感覺上當然覺得蝕左啦，但我最在意始終都係叉燒，佢既叉燒係半肥瘦，份量都好適中，叉燒依然香淋、嫩滑，燒得剛剛好，叫得叉燒皇我都幾相信叉燒始終係佢既招牌，而佢杯凍檸水唔算係好大杯，份量亦較少，所以都係好一般。當中亦有一段小插曲，就係見到個位後生仔碗叉燒油雞瀨居然平過我呢碗飯$10蚊，食飽飽之後咪諗住問下職員囉，點知佢既回應係：「係咁嫁啦。」佢既敷衍又冷淡既回應真係令我覺得，一間好質素既餐廳如果無好既服務真係唔去

第二次光顧小店呢到星期一至日都咁多人，因為勝價比太高了講下餐廳情況，位於太子地鐵站不遠，店內不太大繁忙時間需要搭台不過職員服務效率都好高一坐低就，未點餐就已經會問你飲咩餐湯（紅白兩款）跟住送上餐包呢到出名食扒，大件夾抵食除左menu之外、牆上亦貼滿最近的特價推薦（不定期轉款）由於係鐵板上，建議可以揀生少少，3成/5成已經好夠，我試過點7成，結果因為太熟，好難咬今次揀左5成，睇下相，粉紅嫩肉百幾蚊人均就食到飽晒