California Pizza Kitchen (屯門市廣場1期)

营业中

休息中

大概六点去食晚饭，冇咩人，唔使等位。不过大概7:00左右差唔多full晒。因为新开冇几耐，所以仲好新净。感觉都干净嘅。open kitchen可以睇到入边做紧乜嘢。同埋咁样起码佢哋会干净啲。侍应服务态度OK。座位都舒服。叫咗一个Buffalo chicken pizza,同埋一个kung pao spaghetti. 个Pizza有blue cheese.但系芝士味好淡。可以话系食落去冇咩味，闻落去只有淡淡的Blue cheese味道。有啲失望。就系因为钟意Blue cheese先至叫佢，估唔到佢落得咁轻手。唔知系咪怕普遍香港人唔钟意食。但系叫得呢个Pizza就梗系因为钟意食Blue cheese 先至叫㗎啦。应该大胆啲，重口味啲。佢仲有落到西芹。不过我唔钟意食西芹，好在西芹嘅味道唔太出。整体来讲，个Pizza唔错嘅。至于个宫保意大利粉味道好浓。都系啱一点钟意食重口味嘅人。本来谂住会好怪，但原来宫保虾炒意粉又几唔错㖞。