Uncle Tetsu's Cheesecake (已結業)

在网上见许多人都讲个饼有几正，有几好食，看完就算都冇特别提起兴趣买。今日去完取货收早5点几。经过饼店门口见得5个人排队，反正经过见人少即管排队买个试下。点知想排的时候，有个店员走过来话「先生，唔好意思，排队请去转角小巴站排队。」我心想＂角？洗唔洗好像SOGO间芝士蛋挞咁，要在后楼梯排？想转身走，行到小巴站，真的见到有人排！见有时间，数一数连之前5个人计，我排第十一，OK.就排队买个试下。买到返屋企，放在餐桌面，都冇即刻食。家人返一见到个纸袋就哗哗声话咁都买到要食！？？连相都冇影就分来食，点知一食即后悔冇影相就分饼。食落芝士味很香，饼身软滑，食了四份一还想再食。以一个$59价钱，买到一个有水准的芝士蛋糕，的确值得。