鳴越越式料理

营业中

休息中

今日收左工约左友人系上环揾食，比我发现左呢间餐厅，系上环黎讲非常之抵食，而且质素都好好，绝对值得一试。环境装修都唔错，而且有好多艺术画做摆设，好有文青feel，最岩黎打卡。首先我叫左个虾头海鲜炒饭，有好多海鲜，有带子，虾，青口，蟹柳等等，非常大份量。而且重好好味，啲饭炒到一粒粒金香，卖相已经好吸引，食落去真系好有惊喜。之后我叫左杯冻奶茶，好重奶香味，系我最钟意个种味道，真系好好饮，同普通茶餐厅味道有啲唔同，呢道既奶香好多。友人就叫左个越式海鲜炒银边粉，炒到金黄色，好有镬气而不油腻，啲银边粉炒到好干身，非常弹牙可口，口感一流。友人叫左杯椰汁红豆冰，放劲多奶，好滑好香既椰汁溶系红豆当中，真系特级享受。交通非常方便，地铁，巴士，电车都可到，而且系中上环黎讲真系好抵食，识食一定要黎试下。