常悅素食 (已搬遷) 新店位置

一班好姐妹久不久都会一聚，今次有人提议嚟呢度食，因为有人话见到咁多人话好味咪嚟试吓啰！一行五人六点九嚟到，呢个时候人未系咁多！西装叔叔同我地讲如果坐入啲冷气会劲少少，如果怕冻坐出外面会好啲！咁我地决定坐外面佢有几款例汤，但每晚都唔同款，menu仲写埋边款汤有咩功效添！当我地睇紧食乜时，有个叔叔见我睇紧个汤menu就主动走嚟同我讲今晚个汤系乜！又几好心㖞！　我地唔知啲嘢有几大碟，所以叫咗四𩠌一炒饭我地一边倾一边等，突然有个侍应行埋嚟收咗一对公筷之后又俾过对我地，乜事呢？我个姐妹话见到对筷子有少少污浊，都未等我地出声佢已经主动帮我地换咗！都好细心呀吓！啲嘢都上得好快，但快之外都好够热个斋鲁味差咗少少，因为比较咸，同好似冇乜得选择．．．芋头鱼超正！！　皮够跪又够香！（不过当我同个朋友想拎起部机影相时个姐姐已经一刀切咗落条鱼度．．．　唔制呀！！！）鼎湖上素好味！好多姑同好多竹笙，味唔浓，正！唔记得乜乜炒饭，大大碟，饭炒得够爽够香，粒粒分明，好！猪肉粉包，好味！个皮唔硬，入面又有姑同其他菜，清清地！跟住我地一路食一路倾，到咁上下再叫个甜品 - 荳莎窝饼！超正呀！　唔系好甜，又热，连我呢个唔钟意食