陳根記 (已搬遷) 新店位置

因为知道食饭时间会好多人，所以提早左过黎。朋友熟呢头路，所以唔使揾路。不过只要去到禾𪨶商场，揾大牌档个指示路牌，出去一直行就到。去到真系有d吓一跳，个档位好大。虽然只系六点半，但都唔少人。揾位坐低之后阿叔就立即过黎俾餐牌同茶。叫左个蚝饼、棒棒骨同金银蛋浸波菜。蚝饼OK，边边位好脆，中间位比较软，不过蚝都几多。块饼本身软淡，所以有鱼露点。千万要热食，冻左好腥！其实都几多肉，我觉得无乜孜然粉味，反而似椒盐猪扒。不过就比猪扒更香口，好惹味。金银蛋波菜OK，味道岩岩好。食到差不多已经有人等台，感觉好似系快餐店咁。证明呢到几旺。但我觉得两个人食真系争D，见到好多野想食都唔敢叫。下次揾多几个人一齐黎SHARE食会更开心。一定会返黎食。