喜來稀肉 (已結業)

等左一个钟终于有位。个场好大，一入到去即刻觉得好冻。就系因为冷气够冻，就算对住个炉都唔会出汗 座位够哂阔落，坐得好舒服，櫈入面可以摆袋，唔会搞到成身油烟味。一坐低枱面就有水、生菜、白萝白、泡菜、芽菜汤、酸洋葱丝、一碟有酱汁既菜同三种酱汁。上菜速度好快，落左单冇耐就可以即刻烧。叫左四款肉，其中护心肉好好食，但好难烧。因为太厚，好难熟。最好食系牛五花，块肉薄得黎又够牛味 猪肉五花腩虽然都好味，但太薄，如果包生菜食，生菜会遮哂猪肉味，牛五花包唔包生菜都一样够肉味！店内环境，包括枱面同座位都干净，唯独系个厕所好污糟。埋单见到张单好体贴咁帮你除返每人要俾几多，good!价钱唔贵、好食同环境又大又干净（除左厕所），整体黎讲真系几好。唔怕等位既话可以黎试下！