生記粥麵 (已結業)

去开油麻地睇牙医，记得屋企人讲过附近有一间粥店几好食，咁就开map睇吓。因为系食饭时候，所以全店满座，仲有好多人等叫外卖。等咗大概5分钟就有位，not bad!都几肚饿，所以叫咗一碗大嘅鲮鱼球粥+油炸鬼。好快就上菜，唔记得咗exactly有几多粒鲮鱼，净系记得好似食极都食唔完。鲮鱼好有鲜味，咬落去觉得系真材实料，最正就系有果皮味，而且仲有一碟仔豉油加葱去点。粥底亦好绵，亦有几块生菜，成碗比我ko晒！ 至于油炸鬼⋯⋯ 非常普通。虽然系繁忙时间，一班靓女们都好有礼貌，服务算唔错！