UCC Coffee Shop (已結業)

难得今日放工可以同同事去食饭，我哋就去咗宝林新都城嘅UCC Cafe食，我哋已经系第二次帮衬，依然都系咁钟情呢间餐厅。每次我哋黎都会叫卡邦尼意粉，我好欣赏酱汁，唔会太流，而且香口，超级好食，平时系其他舖头食嘅卡邦尼意粉通常都会煮得太流，食几啖就会唔想食，相反呢碟意粉嘅酱汁就煮得啱啱好，可以成碟食晒！我哋仲叫咗汉堡扒蛋包饭，汉堡扒有香浓嘅洋葱味，非常香口，而且酱汁系蘑菇汁，食落口有一阵阵蘑菇味，而且唔会太咸，同汉堡扒好夹，配埋蛋包饭食，非常一流！另外我哋仲叫咗芝士焗鸡肉饭，餐厅做嘅焗饭非常好食，芝士汁唔会太流，而且香口，配埋炒饭底，好味道！我哋仲加左钱叫沙律食，我哋自己攞碟出去装沙律，可以一次过装满成个碟，所以我同同事都好兴奋，斗边个装得最多沙律。沙律嘅款式好丰富，有粟米、蕃茄、生菜、薯仔、红腰豆等等，好多选择俾你拣。