Dood Bottega Gelateria (已搬遷) 新店位置

𠮶日开完会，路过湾仔道，发现呢间新雪糕舖。好多味道都好有诚意，但个人行到热辣辣，净想食啲fresh啲冇咁creamy嘅，拣咗柠檬味，好清新，食完个口唔会有酸味，可能系全天然嘢，果然系唔同。后尾未够喉，食多个伯爵茶味，呢个先系一试难忘，个味浓到令你觉得食过任何嘅绿茶雪糕，都系唔够味，食完都会心思思再食。如果要举个例子有几好味，就系好似特浓朱古力雪糕，啖啖都好似食紧朱古力，而呢个伯爵茶Gelato就好似特浓伯爵茶，女士们小心食完会夜晚瞓唔到。个男人店主几好倾，睇得出佢对整雪糕好有热诚，小店嚟讲，真系唔错。