大滿喜日本料理 (已結業)

上星期四同朋友二人去食放题🤤之前食过旺角大满喜都唔错，今次就一于试下观塘呢间。观塘大满喜位置非常方便，就系apm隔离栋商厦👍🏻我地大约5点半去到，已经见到唔少客人，应该都好受欢迎下😆😆比起一般嘅放题，呢间嘅环境好宽躺，就算两位都唔会坐得好逼夹，而系有舒服嘅沙发位🤘🏻一坐低就梗系即刻嗌咗刺身啦！每样嗌咗4-6件，嚟到就一大盆，仲摆得好靓仔😍当中我最推介嘅系带子同三文鱼剌身，非常新鲜而且系厚切嘅😋😋大啖食好满足！其他烧物都高质👍🏻特别系羊架，一客两件，烧得嚟又有肉汁，友人自己一个都食咗三件🤰🏻我地极速成咗两轮已经饱饱地，之后就慢慢食，落多咗三次order💆🏻‍♀最后，临走前就食番个甜品先，呢间嘅甜品又好多选择，而雪糕都有好多款，我都食咗三粒雪糕糯米糍先肯走🤭