丼吉日式吉列豬排專門店 (The ONE)

营业中

休息中

星期六11:30坐底，第一张台。后面跟住好似有大约两三张台。事关第一张台，佢地安排左我地坐近窗边既卡坐，望出去系九龙公园方向。一坐低，waiter裸左餐牌同埋一壶热茶俾我地。今日试左供两位用既特上猪扒猪柳定食。一大块猪排，四块细既猪柳开边，两碗仔芝麻，椰菜沙律，两碗白饭，两碗miso soup，两小碟渍物合一碟mustard sauce。d炸物外面酥脆，入面juicy，再加埋芝麻猪扒汁，每一啖都好满足。有柚子汁or紫菜汁加落去d椰菜沙律度，两款汁都酸酸地，我觉得柚子汁比较清新d。椰菜沙律同埋d渍物都可以解腻，所以食完成个餐都唔觉得好油腻。话就话供两人食用，不过我觉得三人食会刚刚好，两人食有d多。食完个餐之后，waiter会收走d餐具简单clean左张台再奉上新的热茶和西瓜。此举我觉得相当细心，值得加分。