HeySoNuts

营业中

休息中

好少系土瓜湾试新餐厅，今日特别揾左e间，感觉好好，会再去食。食左：红菜头藜麦沙律、忌廉杂菌猫耳朵、牛汉堡、焦糖梳乎厘、热情果冰茶、coffee tonic红菜头藜麦沙律坊间少见，大大旧红菜头，好甜，加入酸酸甜甜嘅酱汁，令到藜麦唔会食到好‘寡’，中间有少少合桃，令个味道生色不少。份量较大，海量藜麦，有少少饱肚。忌廉杂菌猫耳朵好有菇味，个人钟意食菇，所以觉得好正，同时亦好creamy, 当然猫耳朵唔系成日食到嘅主食，好新奇好味。将一道好多餐厅都有嘅菜色，转一转花款，将味道提升，好耳目一新。牛汉堡够Juicy, 咬落有肉汁，满足到咬落好厚肉嘅口感。整体味道好味。焦糖梳乎厘够松软香甜，配搭大大块香草牛油，好邪恶。Coffee Tonic一道本人好钟意，但唔多餐厅有嘅饮品，一见到，即点。好饮，咖啡同Tonic water嘅配搭，真系好特别。整体侍应服务细心，点菜时有提我地甜品制作需时要预早落单。上甜品时亦换晒我地d餐具。