The Grove (已結業)

新开台湾菜😍近排好钟意食台湾菜，尤其系肉燥拌面同炸蕃薯条，食极都唔厌😆今次试咗土瓜湾新开嘅台湾菜，抵食又好食，而且选择都好多。台北香肠肉燥饭，$56台式香肠又系点食都唔厌嘅，好好味，但最正系肉燥，一啲肥肉都冇，啱晒我，钟意半肥瘦嘅可以叫鲁肉饭，好少舖头会有两种选择，正👍🏻台式肉燥拌面，$56佢嘅面系刀削面，滑得嚟都好有嚼劲，好钟意呢种质感，肉燥又系瘦肉，而且好多，好够味。地瓜条，套餐加$20地瓜条炸得好脆，而且用嘅蕃薯够甜，食到停唔到口😋盐酥鸡，加$22呢度嘅盐酥鸡同平时食嘅有少少唔同，唔知系咪炸嘅粉唔同，定系因为用咗好少粉，成粒都系肉☺️忌廉芝士贝果，$42估唔到仲有bagel卖，虽然已经好饱，但都系决定试吓🤣拣咗蓝莓味，唔会好甜，bagel好烟韧，好好味，最正系俾咗好多忌廉，可以搽满成块包，好满足。黄金芋圆球，加$20芋圆球又系炸过嚟，入面仲有蛋黄，几特别。套餐仲包嘢饮，选择都好多，可以加钱试啲特别啲嘅，我就加咗绿茶水晶，唔错唔错，朋友嘅冬瓜茶都话好饮😊抵食又好食嘅台湾菜，满足。