波士頓餐廳

营业中

休息中

90年代已识已去过，起码十几廿年冇嚟过，好彩呢度冇受呢几年嘅变化而影响……近排都总是想去食番以前到过啲餐厅，今晚终于有机会，轮到呢度……但太耐冇嚟，已装修过，冇乜印象以前嘅食物味道……七点前到，想坐卡位所以等咗阵，被安排坐倒窗边卡位很不错……我地二人叫咗炸德国咸猪手及美式什扒铁板餐share……＊罗宋汤浓厚好味＊是日厨师推介～炸德国咸猪手，皮脆，吾错，伴随嘅薯条好好味，热辣辣但又冇炸到脆、吾㶶＊什扒餐配意粉（洋葱汁）～猪扒、牛扒、白肉肠、烟肉、鸡脾仔……猪扒牛扒好腍吾“鞋“，好好味……鸡脾仔肉嫩，白肉肠同烟肉都ok……整体今晚嘅食物也没有失望……可能太耐冇食，厨师推介嘅吾系餐，冇包冇汤冇饮品，要散叫的……坐卡位舒服，环境都干净，卡位前后还有隔板，感觉食得安心，服务也ok……