影片
更多
2023-05-27
39 浏览
利申先，经常帮衬呢间餐厅，本身无谂住写食评，所以亦无影相。但可能餐牌改咗，今日叫𠮶两样之前未食过，好有惊喜，所以食咗一半先记得打咭。照片有啲难睇，个意粉直头唔敢比大家睇😅希望其他人有影到靓靓上菜相。😂呢间Cafe我经常帮衬，成日好想饮佢哋杯菠萝梳打，有菠萝肉，好好味！今日本身好饱，但已经挂咗杯菠萝梳打几日，所以谂住去食少少野，但见到餐牌又好想食唔同嘢，结果都系叫咗两个main一个side😅带子忌廉意粉够creamy,味道刚刚好。鸭胸幼嫩，红菜头汁甜甜地，好配好味，薯蓉好软好滑但唔油腻。仲有脆薯条，脆！菠萝梳打之前改细杯咗，所以叫咗每人两杯。但我以前一杯大刚刚好，衣家一杯又唔够喉，两杯又饮唔哂……不过佢衣家𠮶杯已经比茶餐厅𠮶啲大少少。唯一真系唔钟意用QRcode落单，成个格调即刻低级咗。不过佢哋人手都多，无因为用咗自助落单就少咗人做嘢。佢哋有望海Bar 枱，下午去好chill，食完饭好饱又可以行下海边，听下雀仔声浪声，好舒服！
呢间Cafe我经常帮衬，成日好想饮佢哋杯菠萝梳打，有菠萝肉，好好味！
今日本身好饱，但已经挂咗杯菠萝梳打几日，所以谂住去食少少野，但见到餐牌又好想食唔同嘢，结果都系叫咗两个main一个side😅
带子忌廉意粉够creamy,味道刚刚好。鸭胸幼嫩，红菜头汁甜甜地，好配好味，薯蓉好软好滑但唔油腻。仲有脆薯条，脆！
菠萝梳打之前改细杯咗，所以叫咗每人两杯。但我以前一杯大刚刚好，衣家一杯又唔够喉，两杯又饮唔哂……不过佢衣家𠮶杯已经比茶餐厅𠮶啲大少少。
唯一真系唔钟意用QRcode落单，成个格调即刻低级咗。不过佢哋人手都多，无因为用咗自助落单就少咗人做嘢。
佢哋有望海Bar 枱，下午去好chill，食完饭好饱又可以行下海边，听下雀仔声浪声，好舒服！
张贴
