德美壽司 (德民街)

营业中

休息中

讲到红磡有边间日式餐厅好食，必定大家都会讲历史最悠久嘅德美寿司，呢间餐厅真系我由小朋友开始已经有食过，所以好有童年回忆，最钟意呢度嘅装饰有好多木制品，感觉系怀旧日本风，当然饰物亦都好好味啦！！食左咁多年，我已经好清楚自己钟意食咩，首先一定系佢哋嘅卷嚟，一坐低就即刻叫咗两样，就系煎鹅肝带子卷同带子天妇罗卷。煎鹅肝好Creamy，加埋带子好新鲜，一啖咁食落去，口感真系好夹！钟意带子嘅，我梗系会叫埋带子天妇罗卷啦，外面卜卜脆脆，一啖一个，劲好食。热食我就要咗好啱冬天食嘅野菜牛肉锅，食完暖笠笠，牛肉亦都唔会，蔬菜亦都好多种类，感觉好健康。另外都要埋个鳗鱼炒饭，炒得好入味，入面亦都唔少鳗鱼，完全唔会觉得油腻。