kikusan (已結業)

平时经过呢间餐厅，每次都有不少人等位。难得今日系星期五，几位同事都唔急住返公司，就决定一试。虽然只系等一张枱号，但都等左近 15 分钟。餐厅装修精美，枱櫈唔会放得太密，加上高楼底，整体感觉不错。环境上唯一缺点系几 "应声"，嘈吵程度有 d 似去左茶餐厅。呢间餐厅系做 fusion 菜，所以餐牌上有中式点心又有日式面食。Lunch set 嘅餐牌都几多选择，价钱由六十几蚊嘅拉面到近二百蚊嘅炭烧牛肉都有。我就拣左 $96 嘅千层猪扒担担拉面，跟餐有杯柚子蜜同一笼点心。侍应落单时有礼而细心，当我点担担面时，主动提醒担担面有 d 辣，问我要唔要走辣。点心小笼。有一只绿色皮虾蛟，同一粒小笼包。小笼包好多肉汁，虾蛟有好多虾肉，加上啱啱蒸起热辣辣，比好多茶楼嘅出品更加好食。千层猪扒担担拉面。猪扒比想像中细块左少少，但炸得几香又唔油腻。担担面都几辣，唔食开辣嘅朋友就可能食唔到了。柚子蜜冇乜特别，冻饮唔需要加钱。