Paisano's Pizzeria (已結業)

晚餐时间，两个人唔系好肚饿，又想食小小野，就买一块巨大pizza分黎食。点左拿坡里Margarita $35，应该系12吋，成块面咁大，见到舖头好迫，叫左外卖，用纸袋入住，比埋纸碟，见到块pizza咁新鲜热辣咁香，都系唔好行咁远，去舖头门口企住食。Margarita其实无咩𩠌，主要系大量拉丝芝士加茄酱再加番茄粒，茄酱同芝士都好惹味，最紧要系好湿润好juicy，蕃茄粒好鲜甜好多汁，非常香口，个饼底好软熟，个批边就焗到小小脆，两个人咬到停唔到！总结：好味，不过如果想一人一块，最好拣个肚饿d既日子黎，因为pizza真系好大块。