影片
更多
2021-10-05
760 浏览
🔍 Colour Brown x PHVLO HATCH（深水埗）好味指数😋😋😋😋回头指数 ⭐️开心指数🤗一句形容我嘅对呢间店嘅感觉 -「好咖啡敌不过不悦体验」！大家都知道近年深水埗一带开咗劲多文青 cafe、小店，真系多选择到不得了，行几步就有一间，间间都有自己风格，有好多打卡位，不过呢… 通常呢D 店都唔系太大，假期又劲多人！本身最想去𠮶间冇位，要等劲耐！路过呢间店，知道个打卡位系条特色嘅绿色旋转楼梯，见入面有位，就去试下啦！咁啱店员俾我哋嘅位系对住点餐嘅位，走廊唔阔，有人点单时又有人响后面行，条路根本放唔落两个人！D人孭住个袋走嚟走去，又多人行又迫，坐落一D 都唔舒服！根本冇可能有 hea 嘅心态，同去文青 cafe hea 下chill 下嘅呢种心态背道而驰！😑明明想叫D 嘢食叹杯咖啡，但张台细到根本放唔到咁多嘢，仲要惊D 人个袋撞到你杯嘢饮而担惊受怕，谂谂下都系唔好食嘢啦，好好「守护」杯嘢饮唔好整到自己成身咖啡紧要D 啰！😓终于叫咗嘢饮，佢会俾个电子牌你！见到有人不断上旋转楼梯冇落返嚟，我哋怀疑上面有位，朋友话不如佢上去睇下，店员听到我哋咁讲，话上面冇台嘅，系「等」外卖嘅位！咁
好味指数😋😋😋😋
回头指数 ⭐️
开心指数🤗
一句形容我嘅对呢间店嘅感觉 -「好咖啡敌不过不悦体验」！
大家都知道近年深水埗一带开咗劲多文青 cafe、小店，真系多选择到不得了，行几步就有一间，间间都有自己风格，有好多打卡位，不过呢… 通常呢D 店都唔系太大，假期又劲多人！
本身最想去𠮶间冇位，要等劲耐！路过呢间店，知道个打卡位系条特色嘅绿色旋转楼梯，见入面有位，就去试下啦！
咁啱店员俾我哋嘅位系对住点餐嘅位，走廊唔阔，有人点单时又有人响后面行，条路根本放唔落两个人！D人孭住个袋走嚟走去，又多人行又迫，坐落一D 都唔舒服！根本冇可能有 hea 嘅心态，同去文青 cafe hea 下chill 下嘅呢种心态背道而驰！😑
明明想叫D 嘢食叹杯咖啡，但张台细到根本放唔到咁多嘢，仲要惊D 人个袋撞到你杯嘢饮而担惊受怕，谂谂下都系唔好食嘢啦，好好「守护」杯嘢饮唔好整到自己成身咖啡紧要D 啰！😓
终于叫咗嘢饮，佢会俾个电子牌你！见到有人不断上旋转楼梯冇落返嚟，我哋怀疑上面有位，朋友话不如佢上去睇下，店员听到我哋咁讲，话上面冇台嘅，系「等」外卖嘅位！
咁惟有乖乖哋继续留响呢个咁嘅位啦！好彩后尾见到有人走，即刻转咗去店内较后位置，至少唔使每分每秒都要做「守护咖啡天使」！🧚♂️
跟住当然要去下条咁出名嘅旋转楼梯打卡啦！行上去，发现有另一个空间，好大好阔仲有台櫈俾人坐！😲 呢度先系有 hea 嘅感觉嘛！
见到有人坐响度食嘢饮咖啡，有轻音乐！店员一D 都唔讲有楼上呢种选择！我第一次嚟呢间店，我唔知呢个位系临时咁做定系点啦！
后尾我发现，原来玻璃杯碟系唔可以上楼，要外卖杯同纸盒先可以上嚟！但完全冇人讲，亦都冇人写过，张notice 系放响一楼！原来系咁嘅！明白了！不过any 肥，呢间店暂时都唔会返嚟住！
🍴洪多拉斯Honduras SHG EP（$58）
要睇一间店嘅咖啡好唔好饮，就梗系试手冲咖啡！如果咖啡豆够靓，我系钟意饮斋啡嘅～咁先饮到咖啡嘅原有味道！
根据 description，我拣嘅呢种咖啡豆系有焦糖、果香、醇度高(soft body)、口感均衡(smooth finish)… 见到职员都用心机整嘅，整完都倒少少自己试过味先俾客人嘅～
Honduras SHG EP
$58
33 浏览
0 赞好
0 留言
☕️咖啡小知识：
中美洲嘅咖啡调性比较温和，呢种豆嘅处理法系水洗，SHG (strictly high grown - 超过1200公尺），呢种海拔生长嘅咖啡豆系产生较慢嘅成熟水果同较浓密嘅咖啡豆；EP (Euporean Preparation）系所有豆都系人手分拣，去除有问题嘅豆同杂质。
饮落其实都okay，口感都几顺滑，唔系浓度高嘅咖啡，其实呢种豆系会有少少酸度，所以饮完后会有一种细腻嘅酸味。
杯咖啡系唔错嘅，不过成个体验就好一般，应该回头机会率唔高！
张贴
