愛家國際餐飲 (已結業)

我帮衬咁多年，每次食个咖喱吉列扒饭都同佢讲好咸，佢地每次回覆都唔同，有时话整好咗冇得改，有次个厨师系入面大叫「系咁㗎喇！」，㖊日仲话冇收过投诉，好啦，我今日睇吓佢有冇改啦，结果一样咁咸，而且啲配菜仲附送虫仔俾我，真系多谢晒。话俾侍应知有虫，佢大声咁讲唔系菜虫，跟住厨房𠮶边又大叫唔系菜虫，然后全餐厅员工大声话唔系菜虫。大佬，我话系虫啫，冇话系菜虫啰...除咗菜虫以外嘅虫就唔系咩。🐛同埋我衹系想换碟菜之嘛，做乜俾两粒手指公咁大嘅曲奇我...𠮶两粒曲奇我望到都唔想食，老公食完之后话好难食。唯一几好嘅系柠檬粒粒爽，真系几酸，应该真系柠檬汁嚟。个吉列扒都好，够脆，摆半个钟多啲都脆，最衰系个超咸咖喱汁整衰道菜仲有个侍应几乎次次嚟佢都会系人哋倾紧计嘅时候插把嘴...好冇礼貌啰。