熊小館 (已結業)

亲子活动后，揾餐厅食饭。见佢系bear bear主题餐厅，环境ok, 最紧要系唔驶等位，所以坐低咗。我和朋友和囝仔，点咗1份Caesar salad, 蜜桃猪焗饭 和 一份有肉酱意粉嘅儿童餐。卖相ok得，不过 食物就唔多得。朋友嘅沙律，卖相ok, but芝士粉似乎放在雪柜太耐，有啲「益」味。蜜桃焗猪饭，卖相ok,可惜，又系得个样，个汁已经系唔得，得个色和咸字，个饭劲咸。系得个猪扒好林。不过，都唔知因为成个饭+汁咸到味觉失灵，还是真的连猪扒都劲咸。成个饭，在唔想浪费食物嘅大前提下，夹硬食晒啲肉，扒咗几口冇汁嘅饭，最终都系顶唔顺，食到3份1 就成个口咸到冇晒感觉了。个囝嘅儿童餐，食食吓⋯⋯个仔话好辣。自己和朋友即刻话：「无理由，儿童餐嚟㗎⋯⋯唔会整辣俾你㗎」夹硬叫个囝饮啖柠檬茶 吞咗。然后 两个大人一试，就觉得系大人口味嘅肉酱意粉，所以香草味浓和有黑胡椒粉。试问小朋友个口味咁敏感，点可能食唔出有胡椒辣味呢！唉⋯最后，2大1细，全部都迫于无奈，做咗大嘥鬼，食唔晒就埋单走人。因为我和友人都决定唔会再嚟食（虽然阿囝仲好想再嚟探bear bear)，所以连印仔咭都唔要就走了。