帝樂 - 德國餐廳 (已結業)

由于上个月港铁送左几张coupon，系个list到见到呢间餐厅，所以就叫埋朋友一齐试。环境真系满分，装修系靓既！唔知点解餐厅入面既餐牌同外面价钱系有少少唔同，入面呢张系贵啲。。。不过几蚊就无研究咁多。我地叫左扒澳洲西冷牛肉配烧薯角，同埋香煎意式薄羊柳配野菌意大利饭。先睇睇自助沙律吧，选择唔算好多，不过每样野都新鲜，仲有啲应该系德国既腌渍物？未见过，好新奇，都几好食。好似系椰菜花忌廉汤？我觉得佢调味岩岩好，唔会太咸，又有些少椰菜花味。牛肉质感还可以，不过唔重牛味，同埋个汁好咸，有啲失望，而且有一旧好多筋。薯角唔同平时食开个款，还可以。呢个羊肉膻味适中，唔钟意膻味既朋友都绝对接受到，不过煮到全熟，变到好鞋。佢个意大饭质感可以，但系真系好咸好咸好咸。。。甜品系好简单既士多啤梨乳酪味mousse。可以解一解岩岩既咸味。。。整体黎讲，虽然环境好靓，服务都几好，但系又唔便宜之外，野食又未达到我既期望，虽然拉匀未需要差评，但系我都唔会再食第二次了。