一品雞煲火鍋

营业中

休息中

食完后有点失望！我同老公两个人叫了半只鸡煲，老公怕辣，所以叫了走辣鸡煲！但成个煲我只觉得一个字就系咸！而且好重味精，除了咸好似冇其他味咁！之后叫了一碟细的美国肥牛，八十元得几块！仲有手打丸，手打牛丸似落重味精的山竹牛肉，手打虾丸同墨丸不过不失！最好食算系切片冬瓜同支竹。环境尚可，因为去食鸡煲都冇谂过环境优雅。但呢间的服务态度真系差劲，安排座位那个阿姐简直态度恶劣！我听唔到佢叫我的号码，佢竟然好似训导主任咁向我训话，问佢嘢又呼呼喝喝咁答问题，除非佢系老板娘，如果唔系我唔明点解会请啲态度咁恶劣的员工！咁的食物质素，咁的服务态度，但咁的价钱，我觉得好唔值！好怀念以前系湾仔星街那间重庆鸡煲，那间的鸡煲味浓但有层次，鸡有鲜味，其他火锅配料价钱也合理，服务又好！至于这一间就真系试过就算~