影片
更多
2020-02-21
1568 浏览
喺附近做完嘢，咁啱经过，见到餐牌，心郁郁想食返个烧味饭坐低嘅时候，可能因为肺炎影响，餐厅好少客，有9成都系吉枱，所以啲侍应都系行行企企，无乜边个特别忙。当我叫嘢食嘅时候，俾我嘅感觉好差，唔知点解，当时叫咗几个侍应都十问九唔应，嘴藐藐，个个都唔愿做，唔知以为争佢钱咁！起码有3个都掉头走，又扮睇唔到！最后等咗几分钟，终于有个侍应行过来。唉，一场入到黎，算！就照嗌嘢食啦！嗌咗碟烧肉饭，点不知，第一啖摆入口就知赖嘢，哗！痴线㗎咩！咸到呢！！！我真系咁大个人都冇食过一碟咁咸咁难食嘅烧味饭！坦白讲，虽然烧味一定会有咸味，但过份咸嘅食物对肾脏真系会有不良嘅影响。认真讲，呢间算系我有生之年，其中一间点解服务态度又差，食物又难食嘅铺头。希望大家三思。
坐低嘅时候，可能因为肺炎影响，餐厅好少客，有9成都系吉枱，所以啲侍应都系行行企企，无乜边个特别忙。当我叫嘢食嘅时候，俾我嘅感觉好差，唔知点解，当时叫咗几个侍应都十问九唔应，嘴藐藐，个个都唔愿做，唔知以为争佢钱咁！起码有3个都掉头走，又扮睇唔到！
最后等咗几分钟，终于有个侍应行过来。唉，一场入到黎，算！就照嗌嘢食啦！
嗌咗碟烧肉饭，点不知，第一啖摆入口就知赖嘢，哗！痴线㗎咩！咸到呢！！！我真系咁大个人都冇食过一碟咁咸咁难食嘅烧味饭！坦白讲，虽然烧味一定会有咸味，但过份咸嘅食物对肾脏真系会有不良嘅影响。
认真讲，呢间算系我有生之年，其中一间点解服务态度又差，食物又难食嘅铺头。
希望大家三思。
张贴