影片
更多
2015-01-24
2453 浏览
旧同学难得返港，几个同学约埋一齐想回想那些年，因为有小朋友，所以拣中式酒楼好坐啲！又要食围菜，本身已经唔多钟意，呢度都未试过，离地铁站比较远，在工厂区内！门面唔觉眼（因为灯箱向住大马路，唔起眼）上到见装修简洁，唔系金碧辉煌，简约日式浅木家私！唔老土！坐在一间function room外，初时觉得呢个位几静，点知入面一开始派对就好嘈（间隔只系透明间板！）连倾偈都好难（入面爆咪玩游戏），叫了一个半围菜！人齐就开始上，菜式系例牌𠮶啲！ （我宁愿散叫）即烧原只奶猪--半只，切口好粗糙（唔知系唔系剪刀剪开）皮都脆，肉比较厚，半肥瘦！上汤美国龙虾天使面--天使面其实系幼意粉（唔系超幼嘅天使面）有咬口，索晒汁好味，龙虾肉几爽口，但唔算多肉！米兰焗酿鲍鱼--一开始唔知系乜，睇番菜单先知，表面好似焗过，但唔香又唔脆，鲍鱼粒几烟韧但小，薯仔比较多，好似主角唔系鲍鱼！只系觉得好腻好漏！唔好食！京葱生爆南美辽参--呢个一上已经唔钟意，个献好杰，已经冻咗，辽参好散好泡！唔应该系呢个质感！荷兰豆爽口但唔好食！唔好味！生拆蟹肉花胶鱼翅--好腥腥腥！落醋都无用，差到同部长反映，佢话可能蟹肉处理上差咗啲系咁（边有可
旧同学难得返港，几个同学约埋一齐想回想那些年，因为有小朋友，所以拣中式酒楼好坐啲！又要食围菜，本身已经唔多钟意，呢度都未试过，离地铁站比较远，在工厂区内！门面唔觉眼（因为灯箱向住大马路，唔起眼）上到见装修简洁，唔系金碧辉煌，简约日式浅木家私！唔老土！坐在一间function room外，初时觉得呢个位几静，点知入面一开始派对就好嘈（间隔只系透明间板！）连倾偈都好难（入面爆咪玩游戏），叫了一个半围菜！人齐就开始上，菜式系例牌𠮶啲！ （我宁愿散叫）
即烧原只奶猪--半只，切口好粗糙（唔知系唔系剪刀剪开）皮都脆，肉比较厚，半肥瘦！
上汤美国龙虾天使面--天使面其实系幼意粉（唔系超幼嘅天使面）有咬口，索晒汁好味，龙虾肉几爽口，但唔算多肉！
米兰焗酿鲍鱼--一开始唔知系乜，睇番菜单先知，表面好似焗过，但唔香又唔脆，鲍鱼粒几烟韧但小，薯仔比较多，好似主角唔系鲍鱼！只系觉得好腻好漏！唔好食！
京葱生爆南美辽参--呢个一上已经唔钟意，个献好杰，已经冻咗，辽参好散好泡！唔应该系呢个质感！荷兰豆爽口但唔好食！唔好味！
生拆蟹肉花胶鱼翅--好腥腥腥！落醋都无用，差到同部长反映，佢话可能蟹肉处理上差咗啲系咁（边有可能？我都唔系第一日食翅！）而且有啲壳或骨嘅硬口嘢，好多碎片！差差差！
清蒸沙巴金花尾--鱼唔大，蒸得几滑！配微甜蒸鱼豉油！但青葱好老！配上来唔好味！
腿蓉竹生鸳鸯蔬--个草菇竹笙本来好味！草菇爽口，竹笙多但煮到淋晒，一啲都唔爽，败笔在个献汁又杰又好好好咸，令到整个菜都好咸，豆苗本来爽口，结果揽埋一齐难食！好可惜！
黑松露炸子鸡--其实系普通炸子鸡，皮脆但肉唔滑，无乜松露味！不如叫「炸子鸡」就算喇！
香芋腊味粒炒饭：呢个算系成餐饭最好味，炒饭好松，粒粒分明，腊肠粒几香，食唔晒都拎走！
欧陆美点：呢个蛋糕完全唔夹个餐，好似在附近饼店求其买番来顶住先！顶层蓝莓啫喱味道好假！中间慕丝算滑！但好一般！
鲜果拼盘：西瓜爽口，菠萝酸甜！好味！食物唔得，服务搭救！今餐啲员工好爽手，加茶上菜勤快之外，影相一皮样无问题！厕所设备齐全之外，亦好干净，但食物真系唔得！唔系服务态度好都唔会返转头！
张贴
