老友記快餐 (已結業)

上星期三晚去接完13，佢话想食串烧，想起之前喺深水埗见到呢间串烧，就去试下啦....去到门口见到，食物款式都几多(见图)，价钱合理!因为有其他客都准备落柯打，我就同13叫住一串金菇肥牛卷同埋一串墨丸先，跟住其他客亦都落咗柯打....当我地商量紧再叫咩嘢食时，突然间用黎查油个扫趺咗落地(趺咗落地个位即系条街)....我同13即时想佢会点做??佢好好，执番个扫，放埋一边.....我地即刻放心哂，便继续念叫咩!当我地ready再叫时，佢突然间用番放埋一边个扫同人地柯打咗d串烧查油，我地即时呆哂....之后即时同佢讲，我地叫咗个2串唔要油.....我地冇再叫其他串烧，全程留意住我地叫个2串，唔可以俾佢个扫掂到!等左一阵，终于烧好!!我建议同不如唔好食啦，因为见到佢d卫生咁，真系有d阴影。但系13话太浪费，所以最后都食咗.....金菇肥牛卷 - 如果唔点酱汁，根本就冇味!!墨丸 - 烧得唔够平均，味道冇咩特别!!之后走咗去刘森记食面.....第日我地两个都有d肚子不适，唔知关唔关d串烧事呢??