味彩 (已結業)

今日嚟咗葵兴一带食Lunch，由于1点几，周围都好多人，最后见呢间日本野唔洗点等，就同个fd入去试下，点知真系好失望。呢间算系贵价日本餐厅，点知服务完全唔得，想点菜个阵不停招手，侍应好似睇我哋唔到咁，等咗好耐先有人嚟。之后点咗个粒切鱼生饭，跟前菜、蒸蛋、沙律同味噌汤，睇落都几丰富。蒸蛋的确唔错，滑一滑又够热。粒切鱼生饭卖相唔错，只可惜份量超少，而且味道一般。先讲份量，基本上上层的鱼生的确算多，不过底层的饭得半碗都冇，几啖就食完，而味道方面，三文鱼唔太新鲜，有少少雪味，而吞拿鱼鞋口，不过甜虾就唔错，虽然唔算好大只，但够鲜味。不过以$148的价钱有D唔抵食，加埋一成$160，又唔饱又唔算好味。最后可能唔够人手，埋单都系搞左劲耐。