影片
更多
2024-05-07
584 浏览
因为同fd想揾地方hea同玩boardgame，就google揾下油尖旺边到有场，因为见到呢间有嘢食，价钱又ok，只要嗌嘢食就可以任坐+玩game就拣咗呢间。我地4个女仔嗌咗个4人餐，餐点唔包饮品，但嗌餐可以每杯饮品减十几蚊，我地好一致咁叫咗乳酸😂，即系益力多，唔同味道嘅分别就系落咗唔同味嘅糖浆，正正常常好似葵广几蚊杯𠮶间果汁嘅味，仲有一杯系沙冰，沙冰超大杯，都几开心，如果再嚟我会推荐嗌咖啡或者沙冰。四人餐好多嘢食，我地食完气炸小食、鸡翼、pizza，已经饱咗，沙律都未食完，意粉未上已经唔得😂，好在后尾有多个fd上嚟帮手食，老板娘好好，见我地几个女仔食唔哂啲嘢，后嚟个fd就净系叫杯嘢饮就得，唔洗再嗌个餐，食物好食，系屋企阿妈整嘅味道，食材好新鲜，本身预咗旺角楼上cafe啲嘢会好难食，谂住叫有个地方玩又有啲嘢食，所以餐点咁正常好食都几惊喜，特别蜜糖鸡翼好多蜜糖好好食，其他嘢都正常，所有嘢上碟𠮶阵都好热(除咗沙律🤣)，我地都食得好开心。食饱咗之后就玩boardgame，老板好好人，会好有心机咁教我地玩，以前去过其他场都只系提供咗一堆game喺到任你攞嚟玩，但呢间老板真系每个game都好了解
我地4个女仔嗌咗个4人餐，餐点唔包饮品，但嗌餐可以每杯饮品减十几蚊，我地好一致咁叫咗乳酸😂，即系益力多，唔同味道嘅分别就系落咗唔同味嘅糖浆，正正常常好似葵广几蚊杯𠮶间果汁嘅味，仲有一杯系沙冰，沙冰超大杯，都几开心，如果再嚟我会推荐嗌咖啡或者沙冰。
四人餐好多嘢食，我地食完气炸小食、鸡翼、pizza，已经饱咗，沙律都未食完，意粉未上已经唔得😂，好在后尾有多个fd上嚟帮手食，老板娘好好，见我地几个女仔食唔哂啲嘢，后嚟个fd就净系叫杯嘢饮就得，唔洗再嗌个餐，食物好食，系屋企阿妈整嘅味道，食材好新鲜，本身预咗旺角楼上cafe啲嘢会好难食，谂住叫有个地方玩又有啲嘢食，所以餐点咁正常好食都几惊喜，特别蜜糖鸡翼好多蜜糖好好食，其他嘢都正常，所有嘢上碟𠮶阵都好热(除咗沙律🤣)，我地都食得好开心。
食饱咗之后就玩boardgame，老板好好人，会好有心机咁教我地玩，以前去过其他场都只系提供咗一堆game喺到任你攞嚟玩，但呢间老板真系每个game都好了解，你问每一个佢都会好有耐心咁解释同教你玩，仲可以帮手推荐你拣适合我地难度嘅game (因为我地几个太弱智，太难嘅唔识玩…)，我地由6点点玩到成10点几先走，人均都只系百几蚊，好啱学生同穷L社畜～～ 成晚都好开心～
老板同老板娘都好nice，感觉到佢地真系好有心机做，听到佢地话连饮用水都系煲过嘅，唔系平时啲过滤水，每枱都有湿电叉电位，可以借线同插头，推荐大家多啲嚟玩，个场比较细，如果超过6人建议先打去问下。
59 浏览
2 赞好
0 留言
张贴
