學記麵家

营业中

休息中

同老婆入元朗揾波鞋。就揾下有咩粉面铺。我地好少入元朗。MARK 咗呢间。泊入元朗广场。行出来就见到。啱啱有位就坐低。落单婆婆几随和。叫咗一碗牛腩墨丸河，一碗牛筋云吞米，菜芯腩汁。菜系爽嘅无黄。墨丸云吞正常。牛根唔咸，牛腩好淋好香。河粉一著一著完全无断而且啱啱好有赵口，仲有少少挂到汤嘅。个汤底口味偏咸者会觉淡，个人反而觉得比外面一般腩汤底，少咗份死咸，多咗份清甜，好好入口。埋单走人婆婆都倾计语气同我地倾两句问我地饱唔饱。感觉几街坊人情味。头先写食评前见有其他朋友们写门口连位员工态度好差。呢间学记系开放式铺头无正门的，唔知系唔系混淆咗另一间学记。仲有一位话好咸河粉好碎。人地遭遇我唔在场唔敢讲。我自己食到嘅就完全相反而且质素唔差。