老川皇

营业中

休息中

有朋友喺佐敦呢头返工，佢话今晚想食辣嘢，于是就上openrice睇吓有咩拣，见到呢间四川菜好似几吸引，于是就同佢嚟试吓。餐厅唔大，但好多内地人都嚟食，成晚都人来人往，一直都爆满，我谂应该冇拣错啦。因为我唔太食辣嘅，所以同个朋友讲明唔好嗌咁辣。佢咁岩叫咗两个小菜都系猪嘅嘢嚟，一个系猪肚，另一个系猪肝，两个男人竟然叫左两碟内脏，不过两款𠮶味都唔错，送饭一流。酸菜猪肚令我谂起，低俗喜剧话食呢个咸酸菜牛欢喜，不过原来用酸菜嚟炒猪肚都真系几好食，酸酸咸咸，又有少少辣，真系百感交集呀。土匪猪肝原来系用咗尖椒同埋芹菜黎炒，猪肝爽口，咸咸辣辣，送饭又系一流。其实呢间野仲有好多小菜，但系两个人真系唔食得太多。朋友话下次要再嚟食要再加多少少辣。